Bwthyn yr Ardd

Mae’r bwthyn hardd hwn o fewn yr Ardd Furiog a chredir mai dyma Fwthyn y Garddwr yn wreiddiol. Mae golygfeydd panoramig dros yr Ardd Furiog a’r Parcdir yn y cefn. Mae hwn yn ffefryn gan nifer o’n gwesteion, ac mae ganddo ei ddeildy a’i lawr ffurfiol ei hun gyda gwrychoedd pren bocs wedi eu clipio.

Mae’r tu mewn wedi ei ddodrefnu’n chwaethus ar sail thema’r ardd. Mae lloriau llechi lleol a theils terra cotta wedi eu hadfer ar y llawr isaf, gyda lloriau pren a rygiau ar y llawr cyntaf. Mae gwaith coed pwrpasol o dderw trwy’r bwthyn i sicrhau ansawdd a chreu awyrgylch gynhesol. Mae ystafell fyw fawr gyda stof llosgi coed, soffa gyfforddus a dewis da o lyfrau. Mae peiriant chwarae Freeview a DVDs. Mae llechi ar lawr y gegin, bwrdd derw solet a golygfeydd braf i gyfeiriad y parcdir. Mae'n cynnwys hob trydan, microdon, peiriant golchi/sychu a pheiriant golchi llestri, a’r holl offer sydd ei angen mewn cegin fodern. System gwres canolog trwyddo. Mae mesurydd ar gyfer mesur y tanwydd.

Mae grisiau derw’n arwain i fyny i’r ystafelloedd gwely sydd wedi eu dodrefnu ag antîcs. Mae trawstiau derw gwych a gwely dwbl antîc, gyda golygfeydd draw am y borderi blodau lliwgar a’r parcdir eang. Mae’r ystafell wely arall yn llai, gyda wardrob a gwely dwbl derw llai gyda thopwaith wedi’i gerfio’n siâp pîn-afal, ac mae’n edrych dros y pren bocs.

Mae ystafell gawod braf a thoiled a basn ymolchi.